ఈ రోజుల్లో స్మార్ట్ఫోన్ పోయిందంటే, ఫోన్ పోయిన బాధ కంటే అందులో ఉన్న పర్సనల్ డేటా మరియు బ్యాంక్ అకౌంట్స్ ఏమవుతాయో అనే భయమే ఎక్కువ. దీనికి చెక్ పెట్టడానికి గూగుల్ (Google) కొన్ని అద్భుతమైన ఫీచర్స్ ని అనౌన్స్ చేసింది.
2024 లో మొదలైన ఈ “Theft Protection Program” ఇప్పుడు మరింత పవర్ ఫుల్ గా మారింది. ఆండ్రాయిడ్ 10 నుండి లేటెస్ట్ ఆండ్రాయిడ్ 16 వరకు అందరికీ ఉపయోగపడే ఈ కొత్త ఫీచర్స్ ఏంటో చూద్దాం.
1. Failed Authentication Lock (దొంగలకు చుక్కలే!)
సాధారణంగా దొంగలు ఫోన్ కొట్టేసాక, పాస్ వర్డ్ గెస్ చేయడానికి ట్రై చేస్తారు.
ఇకపై అది కుదరదు! కొత్తగా వస్తున్న “Failed Authentication Lock” ఫీచర్ వల్ల, ఎవరైనా వరుసగా తప్పు పాస్ వర్డ్స్ ఎంటర్ చేస్తే ఫోన్ స్క్రీన్ పూర్తిగా లాక్ అయిపోతుంది.
ఆండ్రాయిడ్ 15 మరియు రాబోయే ఆండ్రాయిడ్ 16 వెర్షన్లలో దీని కోసం సెట్టింగ్స్ లో ప్రత్యేకమైన ఆప్షన్స్ (Toggles) ఇస్తున్నారు. దీనివల్ల మీ ఫోన్ దొంగల చేతికి చిక్కినా వాళ్ళు ఓపెన్ చేయలేరు.
2. Identity Check (బ్యాంకింగ్ యాప్స్ కి రక్షణ)
ఇది చాలా ముఖ్యమైన ఫీచర్.
గూగుల్ ఇప్పుడు “Identity Check” ని అన్ని యాప్స్ కి విస్తరిస్తోంది.
మీరు వాడే PhonePe, GPay లేదా బ్యాంక్ యాప్స్, మరియు గూగుల్ పాస్ వర్డ్ మేనేజర్ ఓపెన్ చేయాలంటే కచ్చితంగా మీ బయోమెట్రిక్ (Fingerprint/Face ID) ఉండాల్సిందే.
కేవలం పిన్ (PIN) తెలిస్తే సరిపోదు, మీ వేలిముద్ర లేనిదే దొంగలు మీ బ్యాంక్ యాప్స్ ని ఓపెన్ చేయలేరు.
3. Remote Lock (దూరం నుండే లాక్ చేయొచ్చు)
మీ ఫోన్ పోతే వెంటనే వేరే ఫోన్ లేదా కంప్యూటర్ నుండి android.com/lock వెబ్సైట్ కి వెళ్లి మీ ఫోన్ ని లాక్ చేయొచ్చు.
కొత్త అప్డేట్: ఇప్పటివరకు ఎవరైనా ఈ వెబ్సైట్ వాడి మీ ఫోన్ ని లాక్ చేసే అవకాశం ఉండేది. కానీ ఇప్పుడు గూగుల్ దీనికి ఒక “Security Question” ని యాడ్ చేసింది.
అంటే, ఆ సెక్యూరిటీ ప్రశ్నకు సమాధానం చెప్తేనే ఫోన్ ని రిమోట్ గా లాక్ చేయగలరు. ఇది ఆండ్రాయిడ్ 10 ఆపై వెర్షన్లన్నింటికీ వస్తోంది.
4. లాక్ టైమ్ పెంచేశారు!
ఎవరైనా పదే పదే తప్పు పిన్ (PIN) లేదా పాస్ వర్డ్ కొడితే, ఫోన్ లాక్ అయ్యే సమయాన్ని (Duration) గూగుల్ పెంచేసింది. దీనివల్ల దొంగలకు పాస్ వర్డ్ క్రాక్ చేయడానికి టైం దొరకదు.
నా అభిప్రాయం (Tech Opinion):
గూగుల్ తీసుకున్న ఈ నిర్ణయం నిజంగా గ్రేట్. ముఖ్యంగా ఆండ్రాయిడ్ 16 లో రాబోయే ఫీచర్స్ దొంగలకు పెద్ద సవాలుగా మారబోతున్నాయి. బ్రెజిల్ దేశంలో ఇప్పటికే ఈ ఫీచర్స్ ని డిఫాల్ట్ గా ఆన్ చేసి ఇస్తున్నారు. త్వరలోనే ఇండియాలో కూడా ఇవి పూర్తిగా అందుబాటులోకి రావచ్చు.
మీ ఫోన్ లో ఈ ఫీచర్స్ కోసం Settings > Google > Security లో చెక్ చేస్తూ ఉండండి!
