రాత పరీక్ష లేదు! ఏపీలోని కడపలో కేంద్ర ప్రభుత్వ అప్రెంటిస్ ఉద్యోగాలు | UCIL Recruitment 2026 Telugu

యురేనియం కార్పొరేషన్ ఆఫ్ ఇండియా లిమిటెడ్ (UCIL) నుండి నిరుద్యోగులకు అదిరిపోయే శుభవార్త అందింది.
ఆంధ్రప్రదేశ్‌లోని వైఎస్ఆర్ కడప జిల్లా (తుమ్మలపల్లె) ప్లాంట్‌లో “ఐటీఐ, డిప్లొమా మరియు గ్రాడ్యుయేట్ అప్రెంటిస్” ఖాళీల భర్తీకి అఫీషియల్ నోటిఫికేషన్ (Advt No. 01/2026) విడుదలైంది.టెన్త్ తో పాటు ఐటీఐ, డిప్లొమా, డిగ్రీ/బీటెక్ అర్హత ఉన్న యువతకు కేంద్ర ప్రభుత్వ సంస్థలో శిక్షణ పొందడానికి ఇది ఒక అద్భుతమైన అవకాశం.ఈ లేటెస్ట్ ప్రభుత్వ అప్రెంటిస్ ఖాళీలకు (UCIL Apprentice Jobs 2026 in Telugu) సంబంధించి ఏపీ, తెలంగాణ అభ్యర్థులు ఆన్‌లైన్ (NAPS/NATS) విధానంలో దరఖాస్తు చేసుకోవచ్చు. ముఖ్యంగా దీనికి ఎలాంటి రాత పరీక్ష లేదు మరియు ఫీజు లేదు! ఈ ఉద్యోగాలకు సంబంధించిన విద్యా అర్హతలు, వయోపరిమితి, ఎంపిక విధానం మరియు ఎలా అప్లై చేయాలి అనే పూర్తి వివరాలు ఇక్కడ స్పష్టంగా తెలుసుకుందాం.

ఖాళీల వివరాలు (Vacancy Details)

ఈ నోటిఫికేషన్ ద్వారా కడప జిల్లా తుమ్మలపల్లె ప్లాంట్‌లో మొత్తం 91 అప్రెంటిస్ ఖాళీలను భర్తీ చేస్తున్నారు. జనరల్, ఓబీసీ, ఎస్సీ, ఎస్టీ కేటగిరీల వారీగా ఖాళీలను విభజించారు. విభాగాల వారీగా ఖాళీల వివరాలు ఇలా ఉన్నాయి:

విద్యా అర్హతలు & వయోపరిమితి (Eligibility & Age Limit)

• విద్యార్హత (ఐటీఐ): టెన్త్ క్లాస్ (Matric) పాస్ అయ్యి, సంబంధిత ట్రేడులో (NCVT) ఐటీఐ సర్టిఫికెట్ కలిగి ఉండాలి.
• విద్యార్హత (డిప్లొమా/గ్రాడ్యుయేట్): గుర్తింపు పొందిన యూనివర్సిటీ/బోర్డు నుండి సంబంధిత ఇంజనీరింగ్ విభాగంలో డిప్లొమా లేదా B.E/B.Tech పాస్ అవ్వాలి. నాన్-ఇంజనీరింగ్ విభాగాలకు B.A, BBA లేదా B.Com పాస్ అయి ఉండాలి (CMA ఇంటర్ చేసినవారికి ప్రాధాన్యత).
• వయోపరిమితి: 09.05.2026 నాటికి అభ్యర్థుల వయసు కనీసం 18 ఏళ్లు నిండి ఉండాలి. గరిష్ట వయసు 25 ఏళ్లకు మించకూడదు.
• వయసు సడలింపు: ప్రభుత్వ నిబంధనల ప్రకారం OBC (NCL) అభ్యర్థులకు 3 ఏళ్లు, SC/ST అభ్యర్థులకు 5 ఏళ్లు మరియు PwBD అభ్యర్థులకు 10 ఏళ్లు వయసులో సడలింపు వర్తిస్తుంది.

స్టైపెండ్ వివరాలు (Stipend Benefits)

• ఎంపికైన అప్రెంటిస్ అభ్యర్థులకు అప్రెంటిస్ చట్టం 1961 (సవరించిన రూల్స్) ప్రకారం ప్రతి నెలా నిర్ణీత స్టైపెండ్ (Stipend) చెల్లిస్తారు.
• శిక్షణ సమయంలో వసతి (Accommodation) లేదా రవాణా భత్యం (TA/DA) సంస్థ ద్వారా కల్పించబడదు, అభ్యర్థులే స్వయంగా చూసుకోవాలి.

ఎంపిక విధానం (Selection Process)

ఈ అప్రెంటిస్ పోస్టులకు ఎలాంటి రాత పరీక్ష లేదా ఇంటర్వ్యూ ఉండదు. కేవలం మెరిట్ ఆధారంగా మాత్రమే ఎంపిక చేస్తారు.

• స్టెప్ 1: అభ్యర్థులు తమ ఐటీఐ / డిప్లొమా / డిగ్రీ లో సాధించిన మార్కుల శాతం (Percentage) ఆధారంగా షార్ట్ లిస్ట్ చేస్తారు.
• స్టెప్ 2: డాక్యుమెంట్ వెరిఫికేషన్ (ఒరిజినల్ సర్టిఫికెట్ల పరిశీలన)
• స్టెప్ 3: మెడికల్ ఫిట్‌నెస్ సర్టిఫికెట్ సమర్పణ.
• గమనిక: ప్రాజెక్ట్ కోసం భూమి ఇచ్చిన వారికి (LDP), 5 కి.మీ పరిధిలోని స్థానికులకు, మరియు UCIL ఉద్యోగుల పిల్లలకు ఎంపికలో ప్రాధాన్యత (Preference) ఇస్తారు.

ఎలా అప్లై చేయాలి? (How to Apply Online)

ఈ పోస్టులకు కేవలం ఆన్‌లైన్ (Govt Portals) ద్వారా మాత్రమే దరఖాస్తు చేసుకోవాలి. ఆఫ్-లైన్ అప్లికేషన్లు స్వీకరించబడవు.

• ఐటీఐ విద్యార్థులు: కేంద్ర ప్రభుత్వ అధికారిక వెబ్‌సైట్ apprenticeshipindia.gov.in లో రిజిస్ట్రేషన్ చేసుకోవాలి.
• డిప్లొమా & గ్రాడ్యుయేట్ విద్యార్థులు: NATS పోర్టల్ nats.education.gov.in లో రిజిస్టర్ అవ్వాలి.
• రిజిస్ట్రేషన్ పూర్తయిన తర్వాత ‘Apprenticeship Opportunities’ సెక్షన్ లోకి వెళ్లి మీ ట్రేడ్ మరియు ఎస్టాబ్లిష్మెంట్ పేరు (Uranium Corporation of India Limited, Tummalapalle) సెర్చ్ చేసి అప్లై చేయాలి.
• అప్లై చేసే సమయంలో మీ టెన్త్, ఐటీఐ/డిగ్రీ మార్క్ షీట్స్, కుల ధృవీకరణ పత్రం (SC/ST/OBC), ఆధార్ కార్డ్ (బ్యాంక్ అకౌంట్ లింక్ అయి ఉండాలి), ఫోటో, సంతకం అప్‌లోడ్ చేయాలి.

అప్లికేషన్ ఫీజు (Application Fee)

• అన్ని కేటగిరీల అభ్యర్థులకు ఎలాంటి అప్లికేషన్ ఫీజు లేదు (రూ. 0/-). ఉచితంగా ఆన్‌లైన్ ద్వారా అప్లై చేసుకోవచ్చు.

ముఖ్యమైన లింక్స్ (Important Links)

Taja Points Advice 💡

నిరుద్యోగులకి ఇదొక సువర్ణ అవకాశం! ఎందుకంటే ఇది ఏపీలోని కడప (తుమ్మలపల్లె) ప్లాంట్‌లోనే ఉంటుంది కాబట్టి మన లోకల్ వాళ్లకే ఎక్కువ ప్రిఫరెన్స్ ఇస్తారు (ముఖ్యంగా 5 కి.మీ పరిధిలో ఉన్నవాళ్ళకి). రాత పరీక్ష లేదు, అప్లై చేయడానికి ఒక్క రూపాయి ఫీజు కూడా లేదు. కాబట్టి మీ మార్కుల శాతం కొద్దిగా తక్కువ ఉన్నా సరే మొహమాటం లేకుండా అప్లై చేసేయండి!

👉 AP నిరుద్యోగులకు పండుగ.. మన సొంత రాష్ట్రంలోనే ‘అమెజాన్’ ఉద్యోగాలు (డిగ్రీ చాలు)!

Developed by Sudheer Sayana

UCIL కడప అప్రెంటిస్ ఉద్యోగాలు 2026 – తరచుగా అడిగే ప్రశ్నలు (FAQs)