గేమర్స్ ఎంతగానో ఎదురుచూస్తున్న పోకో (POCO) X8 Pro సిరీస్ ఇండియాలో అధికారికంగా లాంచ్ అయింది. ఇందులో POCO X8 Pro మరియు POCO X8 Pro Max పేర్లతో రెండు పవర్ఫుల్ స్మార్ట్ఫోన్లను కంపెనీ మార్కెట్లోకి తీసుకొచ్చింది. భారీ బ్యాటరీలు, అదిరిపోయే ప్రాసెసర్లు, మరియు మెటల్ ఫ్రేమ్ డిజైన్తో వచ్చిన ఈ రెండు మొబైల్స్ మధ్య ఉన్న తేడాలు ఏంటి? ఈ రెండింటిలో మీ బడ్జెట్ కు ఏది కరెక్ట్ గా సెట్ అవుతుందో ఒక మొబైల్ టెక్నీషియన్గా నా ఫుల్ అనాలిసిస్ ఇక్కడ చూద్దాం.
Quick Highlights: POCO X8 Pro vs Max
Technician Opinion 🛠️
ఈ రెండు ఫోన్ల ఫీచర్స్ అద్భుతంగా ఉన్నాయి. ముఖ్యంగా రెండింటిలోనూ గ్లాస్ బాడీ, మెటల్ ఫ్రేమ్ మరియు IP69K మిలిటరీ గ్రేడ్ రేటింగ్ ఇవ్వడం మామూలు విషయం కాదు. అయితే, ఈ రెండింటి మధ్య ఉన్న రూ. 10 వేల తేడాను జస్టిఫై చేయాలి అంటే.. Max మోడల్ లో ఉన్న 9000mAh బ్యాటరీ మరియు Dimensity 9500s ప్రాసెసర్ కోసమే ఆ అదనపు డబ్బులు పెడుతున్నట్లు లెక్క.
నా దృష్టిలో బెస్ట్ వాల్యూ ఫోన్ ఏది అంటే: దాదాపు 30 వేల బడ్జెట్లో (ఆఫర్స్ తో) వస్తున్న POCO X8 Pro ఒక మాస్టర్ పీస్. ఎందుకంటే ఇందులో కూడా 100W ఛార్జింగ్, పెద్ద 6500mAh బ్యాటరీ, మరియు ఐకానిక్ మెటల్ ఫ్రేమ్ డిజైన్ ఉన్నాయి. చాలా మంది యూజర్లకు 6500mAh బ్యాటరీనే రెండు రోజులు వస్తుంది, కాబట్టి Max మోడల్ కోసం అదనంగా రూ. 10,000 పెట్టాల్సిన అవసరం లేదని నా అభిప్రాయం.
POCO X8 Pro vs X8 Pro Max: మెయిన్ తేడాలు ఇవే
Display & Build Quality
POCO X8 Pro: 6.59-అంగుళాల 1.5K 120Hz AMOLED డిస్ప్లే (3500 Nits పీక్ బ్రైట్నెస్) తో వస్తుంది. దీని బరువు 202 గ్రాములు, మందం 8.4mm. దీనికి గ్లాస్ బ్యాక్ ప్యానెల్ ఇచ్చారు.
POCO X8 Pro Max: కొంచెం పెద్దదైన 6.83-అంగుళాల డిస్ప్లేతో వస్తుంది. దీని మందం 8.2mm, కానీ బరువు కొంచెం ఎక్కువగా 220 గ్రాములు ఉంటుంది (పెద్ద బ్యాటరీ వల్ల). దీనికి ఫైబర్ గ్లాస్ (Fibre glass) బ్యాక్ ఇచ్చారు.
రెండింటికీ మెటల్ ఫ్రేమ్, గొరిల్లా గ్లాస్ 7i ప్రొటెక్షన్ మరియు IP68/IP69K వాటర్ అండ్ డస్ట్ రెసిస్టెన్స్ ఉన్నాయి.
Performance (ప్రాసెసర్)
POCO X8 Pro: ఇందులో MediaTek Dimensity 8500 Ultra ప్రాసెసర్ మరియు LPDDR5X RAM వాడారు. ఇది మిడ్-టు-హై గేమింగ్ కు పర్ఫెక్ట్ గా సపోర్ట్ చేస్తుంది.
POCO X8 Pro Max: ఇందులో ఫ్లాగ్షిప్ లెవల్ MediaTek Dimensity 9500s ప్రాసెసర్ వాడారు. ఎక్స్ట్రీమ్ (హార్డ్ కోర్) గేమర్స్ కు ఇది చాలా స్మూత్ ఎక్స్పీరియన్స్ ఇస్తుంది.
రెండు ఫోన్లలో అత్యంత వేగవంతమైన UFS 4.1 స్టోరేజ్ టెక్నాలజీ ఉంది.
Battery & Charging
POCO X8 Pro: ఇందులో 6500mAh బ్యాటరీ ఉంది.
POCO X8 Pro Max: ఇందులో ఏకంగా మొబైల్ మార్కెట్ కే షాక్ ఇచ్చేలా 9000mAh బ్యాటరీని అందించారు.
రెండు ఫోన్లలో కామన్ గా 100W ఫాస్ట్ ఛార్జింగ్ మరియు 27W రివర్స్ వైర్డ్ ఛార్జింగ్ (ఇతర డివైజ్ లను ఛార్జ్ చేయడానికి) సపోర్ట్ ఉంది.
Camera Setup
కెమెరా విషయంలో ఈ రెండింటికి పెద్ద తేడా లేదు. రెండింటిలోనూ వెనుకవైపు 50MP మెయిన్ కెమెరా + 8MP అల్ట్రావైడ్ సెన్సార్ ఇచ్చారు (Max లో Light Fusion 600 సెన్సార్ ఉంది). ముందువైపు సెల్ఫీల కోసం 20MP కెమెరాను అందించారు.
POCO X8 Pro Series Prices in India
ఈ రెండు మొబైల్స్ పై బ్యాంక్ కార్డ్స్ ద్వారా రూ. 3,000 ఇన్స్టంట్ డిస్కౌంట్ లభిస్తుంది.
POCO X8 Pro ధరలు:
8GB + 256GB – రూ. 32,999 (ఆఫర్ తో రూ. 29,999)
12GB + 256GB – రూ. 35,999
12GB + 256GB (ఐరన్ మ్యాన్ ఎడిషన్) – రూ. 37,999
POCO X8 Pro Max ధరలు:
12GB + 256GB – రూ. 42,999 (ఆఫర్ తో రూ. 39,999)
12GB + 512GB – రూ. 46,999
| ముఖ్యమైన ఫీచర్లు | POCO X8 Pro | POCO X8 Pro Max |
|---|---|---|
| డిస్ప్లే (Display) | 6.59″ 1.5K 120Hz AMOLED | 6.83″ 1.5K 120Hz AMOLED |
| ప్రాసెసర్ (Processor) | Dimensity 8500 Ultra | Dimensity 9500s |
| కెమెరా (Camera) | 50MP + 8MP (Back) | 20MP (Front) | 50MP + 8MP (Back) | 20MP (Front) |
| బ్యాటరీ (Battery) | 6500mAh | 9000mAh |
| ఛార్జింగ్ (Charging) | 100W Fast + 27W Reverse | 100W Fast + 27W Reverse |
| బిల్డ్ & IP రేటింగ్ | గ్లాస్ బ్యాక్ | IP69K (మిలిటరీ గ్రేడ్) | ఫైబర్ గ్లాస్ | IP69K (మిలిటరీ గ్రేడ్) |
| ప్రారంభ ధర | రూ. 32,999 | రూ. 42,999 |
Final Verdict: ఎవరు ఏది కొనాలి?
POCO X8 Pro కొనాల్సిన వారు: సుమారు రూ. 30,000 బడ్జెట్లో గేమింగ్ కోసం మంచి ప్రాసెసర్, రోజంతా సరిపోయే భారీ బ్యాటరీ (6500mAh) మరియు చేతిలో కంఫర్ట్ గా పట్టుకునే (తక్కువ బరువు) ఫోన్ కావాలనుకునే వాళ్ళకి ఇదే బెస్ట్ ఆప్షన్.
POCO X8 Pro Max కొనాల్సిన వారు: మీరు ఫోన్ కి ఛార్జింగ్ పెట్టడం మర్చిపోయే టైప్ అయినా.. ప్రతి రోజూ గంటల తరబడి ఎక్స్ట్రీమ్ గేమింగ్ ఆడే వారైనా, కొద్దిగా బరువు (220g) ఉన్నా ఫర్వాలేదు అనుకునే వాళ్లయితే కళ్లు మూసుకుని ఈ Max మోడల్ కి వెళ్ళిపోండి.
